Shymkent turǵyn úıge kezek sany jaǵynan Astanadan ǵana artta keledi
ShYMKENT. QazAqparat - OQO-da turǵyn úı kezeginde 43 myńnan astam adam tur, dep habarlady «QazAqparat» HAA tilshisi.
Búgin oblys ákimdiginde «Báıterek» AQ basqarmasynyń tóraǵasy Erbolat Dosaevpen óńir aktıviniń kezdesýinde turǵyn úı qurylysy men kezektiń jyljýy boıynsha jaǵdaı sóz boldy.
Ol óńirge prezıdenttiń tapsyrmasy boıynsha keldi jáne turǵyn úı qurylysyna basa nazar aýdardy. «Qala úlken qurylys alańyna aınalǵan», - dedi oblys ákimi Janseıit Túımebaev. Bıyl óńirde 1017 páter berildi. Bul óte az. Turǵyn úı máselesin sheshý úshin jyl saıyn 100-ge jýyq kóp qabatty úı salynýy tıis, dep sanaıdy ákimdikte. «Qazir 243 turǵyn úı salynýda. Onyń basym bóligi memlekettik baǵdarlama aıasynda. Jańa ákimshilik-iskerlik ortalyǵynda jáne «Shymkent-sıtı» aýmaǵynda 316 toǵyz qabatty úı turǵyzylýda, bul da az», - dedi óńir basshysynyń birinshi orynbasary Darhan Satybaldy.
Shymkentte «Báıterek» AQ-nyń da qatysýymen turǵyn úı qurylysy júrgizilýde. Bıyl 36-sy salyndy, 1572 otbasy úı aldy. Budan basqa, jyldyń aıaǵyna deıin jalpy alańy 93 myń sharshy metr 34 úıdi paıdalanýǵa berýdi josparlaýda. Kezdesýde oblys ákiminiń birinshi orynbasary Darhan Satybaldy Erbolat Dosaevqa turǵyn úıge baǵa qunyn Almaty men elordadaǵy páter qunymen teńestirý jaǵyn oılastyrýdy usyndy. Bul qurylys kompanııalaryna materıal únemdemeı, jumys sapasyn arttyrýǵa múmkindik beredi. Sondaı-aq páter sharshy metrin de ózgertý usynysy jasaldy, sebebi OQO-da kóp balaly otbasylar kóp. Sonymen, óńirde jańa qurylys ortasha 80 sharshy metrdi, al Qyzylorda oblysynda 96 sharshy metrdi quraıdy. ErbolatDosaev barlyq usynystardy oılastyrýǵa ýáde berdi.
