Shymkent týraly úzdik esse jazǵan Almola oblysynyń oqýshysy marapattaldy
ShYMKENT. QazAqparat - Ońtústik Qazaqstan oblystyq oqýshylar saraıynda «Shyraıly Shymkent - 2017» baıqaýynyń jeńimpazdary marapattaldy. 300-den astam oqýshy qatysqan sharada eń úzdik esseni Aqmola oblysynyń oqýshysy Alına Maros jazǵan, dep habarlaıdy QazAqparat HAA tilshisi.
Osy jyldyń 20 sáýiri men 20 mamyr aralyǵynda ótken baıqaýǵa qatysýshylardyń basym kópshiligi ózge oblystardyń oqýshylary bolǵan. Áleýmettik jeliniń arqasynda úmitkerler ishinde Qyzylorda, Kókshetaý, Atyraý qalalarynyń da balalary kezdesken. Olar esse jazbas buryn, jasyl qala tarıhyn tereńnen zerdeledi. Ótken men búgingi tarıhty Elbasy maqalasymen baılanystyrdy.
«Elbasy Nursultan Nazarbaevtyń aımaqtardy damytý, ulttyq qundylyqtardy dáripteýge baılanysty baǵdarlamasyna sáıkes jazbalar kóp jarııalandy. Esseni jazýdyń arnaıy erejesi boldy. Talapqa sáıkes esse 2000 sózden aspaý kerek. ıAǵnı, baıqaýǵa qatysýshy Shymkent qalasy týraly áserin 200 sózdiń ishine syıdyrýy kerek boldy»,- deıdi baıqaýdy uıymdastyrýshy Sabıra Baızahova.
Osylaısha týǵan jerdiń ǵajabyn sheber sýrettegen 20 esse ıesi erekshe nazarǵa ilindi. Júldegerler Shymkentte bas qosyp, olarǵa qarjylaı syılyqtar men arnaıy joldamalar tabys etildi. 
«Esse jazý kezinde Shymkent týraly kóp aqparat aldym. Qalanyń tamasha, sulý jerleriniń kóp ekenin bildim. Sózben aıtyp jetkizý múmkin emes . Men essede mádenı ortalyqtar týraly, tabıǵat pen Shymkenttiń tarıh týraly jazdym»,- deıdi úzdik esseniń avtory Alına Moroz.
