«Shymkent – TMD elderiniń mádenı astanasy» jylynyń jabylý rásimi ótti

ShYMKENT. QazAqparat - «Shymkent – TMD elderiniń mádenı astanasy 2020» jylynyń saltanatty jabylý rásimi onlaın formatta «Tsıtadel» tarıhı-mádenı kesheninde ótti. Іs-shara Ońtústik TV jáne YouTube-ta Bridge TV arnalarynda kórsetildi, dep habarlaıdy QazAqparat tilshisi.

Shymkent qalasynyń ákimi Murat Áıtenov merekeli jyldy qorytyndylap, TMD mádenı astanasy estafetasyn Dýshanbe qalasynyń tóraǵasy Rýstamı Emomalıǵa tabystady.

«Shymkent – 2200 jyldyq tarıhy bar kóne shahar. Osynaý tarıhı qalamyzdyń TMD elderiniń mádenı astanasy atanýy biz úshin úlken mártebe. Sonymen birge, UNESCO bıyl qalamyzdyń tarıhy keminde 2 200 jyldan syr shertetinin resmı málimdedi. Osyndaı tarıhı sáttiń qarsańynda Elbasy mıllıon turǵyny bar, shýaqty Shymkent qalasyna respýblıkalyq mańyzy bar qala mártebesin berdi. Memleket basshysy Q.Toqaev Shymkent qalasynyń áleýmettik-ekonomıkalyq damýyna aıryqsha mán berip otyr.

Qalamyz ǵasyrlar boıy búkil Azııanyń óneri men mádenı murasy toǵysqan iri ortalyqqa aınaldy.

Sol zamandardan beri Shymkent turǵyndarynyń boıynda erekshe qasıet qalyptasty. Bul – iskerlik, qonaqjaılylyq jáne ózgeriske degen beıimdilik.Dostyq estafetasyn Uly Jibek jolymen Dýshanbege joldaımyz», – dedi qala ákimi quttyqtaý sózinde.

Sondaı-aq, onlaın jıynda TMD Atqarýshy komıtetiniń tóraǵasy – Atqarýshy hatshy Lebedev S.N., Memleketaralyq gýmanıtarlyq yntymaqtastyq qory basqarma tóraǵasy, Ázerbaıjan Respýblıkasynyń Reseı Federatsııasyndaǵy Tótenshe jáne Ókiletti elshisi Polad Bıýlbıýlogly qala turǵyndary men qonaqtaryna arnaıy merekelik quttyqtaý tilegin jetkizdi.

Dostyq estafetasy Tájikstan Respýblıkasynyń Almaty qalasyndaǵy Bas konsýly Bahodýr Nazır myrzaǵa tabystaldy. 2 200 kitap, 2 200 tumar jáne 2 200 qyzǵaldaq túınegimen toltyrylǵan kerýen (Shymkent qalasynyń 2200 jyldyǵyna oraı) Jibek jolymen Tájikstan Respýblıkasynyń Dýshanbe qalasyna attanady

Mádenı astana jylynyń jabylýy aıasynda 6 teatr, 5 kitaphana, tsırk, zoobaq, ádet ǵuryp jáne salt dástúr ortalyǵy, Mádenıet úıi jáne basqa da mádenıet mekemeleriniń shyǵarmashylyq ujymdarynyń kúshimen 48 spektakl, 99 onlaın-is-shara, 7 jyljymaly teatr perfomansy, 5 mýzykalyq perfomans, aqyn-jazýshylar, ádebı qaıratkerler beınesindegi qýyrshaqtar sherýi uıymdastyryldy. Shymkent qalasynyń jas sýretshileriniń kórmesi men ǵımarattardyń qasbetterinde 7 mýraldyń ashyldy.