Shymkent temirjol vokzaly senimgerlik basqarýǵa berilmek

ShYMKENT. QazAqparat - Shymkent vokzaly 10 jylǵa senimgerlik basqarýǵa berilmek. Osyǵan qatysty lot gosreestr.kz elektrondyq saýda alańynda jarııalandy, dep habarlaıdy QazAqparat tilshisi.

Saýda-sattyq túri – satyp alý quqyǵynsyz senimgerlik basqarýǵa berý. Tenderge qatysýshylar aldyn ala 3 472 776,00 kepildik jarna tóleýi tıis. Ótinim qabyldaý 2 tamyz kúni toqtatylady. Al saýda-sattyq sol kúni saǵat 10:00 bastalady.

Tenderlik (konkýrstyq) shart talabyna sáıkes senimgerlik basqarýǵa alatyn tulǵa temirjol vokzalynyń qyzmetin saqtaýy tıis. Qoldanystaǵy jumys oryndaryn saqtap, qajet bolǵan jaǵdaıda QR zańnamasynyń normalaryna sáıkes jańa jumys oryndaryn qurýy kerek. Berilgen múliktiń tıisinshe paıdalanylýyn, ustalýyn jáne saqtalýyn qamtamasyz etýge mindetti.

Sondaıaq jolaýshylardy ótkizý qabiletin 2 myń adamnan 6 myńǵa deıin ulǵaıtý, vokzal ǵımaratyn jóndeý mindeti qoıylǵan. Budan bólek, 2027 – 2032 jyldar aralyǵynda jyl saıyn keminde 50 mln teńge kóleminde ınvestıtsııanyń kelýin qamtamasyz etý maqsat etilgen.