«Shymkent-Tashkent» tas jolynda kólik apatynan 4 adam ajal qushty
ShYMKENT. QazAqparat - Shymkent-Tashkent tas jolynda apat saldarynan 4 adam qaza tapty.
Qutqarý jasaǵynyń resmı ókili Pavel Vıshnenın habarlaǵandaı, jol apaty Shymkent-Tashkent tas jolynyń 11 shaqyrymynda oryn alǵan. «Apat túnde boldy. 03:29-da bizge habarlama tústi de, birden oqıǵa ornyna shyqtyq», - dedi P.Vıshnenın. Kúre jolda BMV kóligi men júk kóligi soqtyǵysqan. Jeńil kólikte 5 adam bolǵan, tórteýi oqıǵa ornynda qaza tapty. Artqy oryndyqta otyrǵan eki áıeldiń denesin apat kýágerleri ózderi shyǵarǵan. Al eki er adamnyń denesi soqqydan maıysqan metalǵa qysylyp qalǵan. Qutqarýshylar gıdravlıkalyq aspaptyń kómegimen olardyń denesin alyp shyqty. Kólikte eki jasar bala da bolǵan. Dárigerler ony jedel járdemmen aýrýhanaǵa jetkizdi. Atalmysh fakti boıynsha tergeýshiler kólikterdiń soqtyǵysý sebebin anyqtaýda. Júk kóligi júrgizýshisiniń jaıy týraly eshteńe habarlanbady.
