«Shymkent-Tashkent» baǵytyndaǵy avtobýstardyń jol aqysy arzandady
ShYMKENT. QazAqparat - «Shymkent-Tashkent» baǵytyndaǵy avtobýstardyń jol aqysy arzandady. Bul týraly avtovokzal qyzmetkerleri málimdedi, dep habarlaıdy QazAqparat tilshisi.
Alǵashqy kezde kórshi elge qatynaıtyn qoǵamdyq kólikterde jolaýshylar 3200 teńgeden tólese, endi bir adamǵa bılet quny 2400 teńgeni qurap otyr. Al, jeti jasqa deıingi balalar úshin jolkire tegin. Búginde avtobýstar Tashkent qalasyna táýligine eki ret, tańerteń jáne keshkisin júrýde. Eki eldiń shekarasyndaǵy keden beketinen ótkenniń ózinde bir baǵytqa 3,5 saǵattaı ýaqyt ketedi.
Eske salaıyq, kóp jyldardan keıin Ózbekstan eline qaıta jol ashylyp, eki el arasynan baǵyttaǵy avtobýstar jolaýshy tasymaldaı bastaǵan bolatyn. Alǵashqy avtobýstardyń legi osy jyldyń 5 qańtarynda jolǵa shyqqan edi.
