«Shymkent-shoýdyń» ártisi satýshyny urdy dep aıyptalýda
ASTANA. 18 shilde. QazAqparat - Astanadaǵy baılanys salonynyń satýshysy tanymal qazaqstandyq shoýmen, «Shymkent-shoý» teatrynyń ártisi Berik Tursynbekovti qol kóterdi dep aıyptaýda, dep habarlady KTK.
Aıyptap otyrǵan qyzdyń aıtýynsha, tanymal ártis tek qana qol kóterýmen shektelmeı, qandaı da bir sebepsiz ony balaǵattaǵan.
Bolǵan jaǵdaıdyń barlyǵyn beınekamera túsirip aldy. Telearnanyń quziretindegi beınede kórsetilgendeı, bir er adam baılanys salonyna kirip, qolymen satýshyny ıyǵynan uryp jibergen. Sodan keıin eki ret qaıtyp oralyp, óziniń «renjigenin» aıtýmen bolǵan.
Satýshynyń sózine sensek, ártis keshirim suraýdyń ornyna oǵan eshkimniń eshteńe isteı almaıtyndyǵyn aıtqan.
Polıtsııa qyzmetkerleri ázirge bul oqıǵaǵa qatysty pikir berýden bas tartyp otyr. Olardyń bergen málimetterine súıensek, qazirgi ýaqytta qosymsha tekserý amaldary júrip jatyr. Tanymal ártis te pikir berýden qashqaqtaýda.
