Shymkent, Saıram qalashyqtaryn ıÝNESKO tizimine engizý usynyldy
ASTANA. QazAqparat - OQO ákimdiginde óńir basshysy Janseıit Túımebaev mádenıet salasy jáne zııaly qaýym ókilderimen kezdesti, dep habarlaıdy QazAqparat ákimdiktiń baspasóz qyzmetine silteme jasap.
Mádenıet salasyndaǵy túıtkildi máseler qaralǵan kezdesýge aımaqtyń belgili aqyn, jazýshylary men ǵalym, arheologtary, sýretshiler men qolóner sheberleri, kompozıtorlar jáne mádenıet salasynyń qyzmetkerleri qatysty.
Basqosýdyń basty maqsaty oblystyń mádenıetin respýblıkalyq jáne halyqaralyq deńgeıge kóterý ekenin aıtqan aımaq basshysy, Ońtústik Qazaqstan oblysynyń rýhanı kelbeti men bolmysy, onyń mádenıetinen, atap aıtqanda, óner, ádebıet, teatr men aqyndyq óner syndy jaýharlardan turatynyn, onyń ıesi kezdesýge kelgen atpal azamattar ekenin jetkizdi.
Jıynda oblystyq mádenıet basqarmasynyń basshysy Nurbolat Ahmetjanov salada jyl basynan bergi 9 aıda atqarylǵan jumystardy baıandap, birqatar usynystaryn jetkizdi.
Atap aıtqanda, esepti merzimde óńirde qurylysy júrip jatqan jańa nysandar aıaqtalyp, Saryaǵash aýdanyndaǵy 5 aýyldyq mádenıet úıi men klýb jáne Shardara aýdandyq mýzeıiniń jańa ǵımaraty paıdalanýǵa berildi. Osy kezeńde oblystaǵy mádenıet jáne óner mekemelerine qajetti 86 jas mamandarmen qatar, 23 múmkindigi shekteýli azamattar jumysqa qabyldanǵan.
«423 kitaphanadaǵy kitaptar sany 74 myńnan astam jańa kitaptarmen tolyqtyrylyp, jalpy qor 7 mln. 185 myń danaǵa jetti, elektrondyq kitap qory 17355 danany qurady. Oqyrmandarǵa qazirgi zaman talabyna saı sapaly qyzmet kórsetý úshin «Táýelsizdiktiń 25 jyldyǵyna - 25 modeldi aýyldyq kitaphana» atty jobanyńa ıasynda Sozaq, Túlkibas, Maqtaral aýdandarynda 7 modeldi aýyldyq kitaphanalar ashyldy», - dedi basqarma basshysy.
Kezdesý barysynda oblysymyzdaǵy aqyn-jazýshylar men professor-ǵalymdar jáne arheologtar tarıhı, rýhanı muralar jaıyndaǵy ózekti máselelerdi ortaq talqyǵa salyp, birqatar usynystaryn jetkizdi. Máselen, olar óńirdiń mádenıetin kóterý maqsatynda ulttyq ıdeologııany qalyptastyryp, qazaqtyń dástúrli ónerin damytý, talantty jastarǵa qoldaý kórsetý úshin barlyq aýdan, qalalardan aqyndar mektebin ashý máselesin, óńirimizde tarıh jáne mádenıet úshin aıryqsha mańyzy zor arheologııalyq jáne sáýlet eskertkishterin qorǵaý jáne Shymkent, Saıram qalashyqtaryn ıÝNESKO-nyń tizimine engizý máselelerin tilge tıek etti.
Sonymen qatar,oblystaǵy mádenıet jáne óner mekemeleriniń búgingi tańdaǵy jaı-kúıi men osy saladaǵy qalyptasqan problemalar jóninde de oblystyq teatrlardyń jetekshileri óz oılaryn ortaǵa saldy.
Óz kezeginde, ákim óńirdiń týrızm salasy baǵyty boıynsha úlken tujyrymdama jasalynyp jatqanyn atap ótip, týrısterge Túrkistannyń rýhanı ortalyq ekenin kórsetý qajettigin aıtty.
«Búginde kıeli Túrkistanǵa týrıster kelse keseneden basqa baratyn jer joq. Ol týraly derekterdi kóbirek nasıhattaý úshin Túrkistan qalasynan ıAsaýıdiń jeke murajaıy men ol týraly keıingi urpaqqa tereńirek tanytý úshin ıAssaýı mektebin uıymdastyrýdy usynamyn», - dedi oblys ákimi.
Zııaly qaýymnyń úlken mıssııasy - ol halyqty rýhanı jaǵynan baıytý ekenin aıtqan aımaq basshysy, salt-dástúr men baıyrǵy ádet-ǵurpymyzdy, ulttyq taǵamdarymyz ben qolónerimizd idamytý qajettigine toqtaldy. Osy baǵyttaǵy jumystardy jandandyrý maqsatynda rýhanı saladaǵy árbir sala mamandarynan oblys ákimi janyndaǵy aqyldastar alqasyn quryp, sol azamattardyń aqyl-keńesterin tyńdaýǵa daıyn ekenin jetkizdi.
Kezdesý qorytyndysy boıynsha aıtylǵan pikirler men usynystar eskerile otyryp, mádenıet salasynyń jumysyn jaqsartý boıynsha oblys ákimdiginiń hattamasy toltyryldy. Bul rette, oblys ákimi J.Túımebaev árbir kóterilgen kemshilikterdiń sapaly ári merzimdi oryndalýy qadaǵalanatynyn eskertti.
