Shymkent-Saryaǵash baǵytynda jolaýshylar avtobýsy júk kóligine soǵyldy
TÚRKІSTAN. QazAqparat - Shymkentten Saryaǵashqa bet alǵan jolaýshylar avtobýsy júk kóligimen soqtyǵysty. Kólip apaty saldarynan 1 adam kóz jumyp, taǵy 10 adam zardap shekti. Bul týraly QazAqparat ІІD baspasóz qyzmetine silteme jasap habarlaıdy.
«Kólik apaty 12 tamyzda shamamen 17 saǵat 30 mınýtta Almaty-Tashkent-Termez tasjolynda bolǵan. Ózbekstan azamaty oqıǵa ornynda kóz jumdy.Sondaı-aq, JKO-nan 10 adam zardap shekken, olar avtobýstyń júrgizýshisi men jolaýshylary, úsheýi Qazaqstan azamaty al jeteýi Ózbekstan azamattary. Olar Túrkistan oblysyndaǵy Qazyǵurt jáne Saryaǵash aýdandyq aýrýhanalaryna jetkizildi», - delingen habarlamada.
Atalǵan jaıt boıynsha birqatar saraptamalar taǵaıyndaldy. Polıtsııa oqıǵanyń mán-jaıyn anyqtap jatyr.
