Shymkent «sary» aımaqta: Karantın sharalary kúsheıtildi
Jańa qaýlyǵa sáıkes, keńse qyzmetkerleriniń 50%-yn qashyqtyqtan jumys isteýge kóshirý mindettelgen. Toltyrylýy 50%-ǵa deıin, biraq 50 orynnan aspaıtyn ashyq aýada jumys isteıtin qoǵamdyq tamaqtandyrý obektileriniń jáne ǵımarattarda ornalasqan obektilerdiń jumys kúnderi, demalys jáne mereke kúnderi saǵat 07:00-den 22:00-ge deıingi ýaqytqa shektelgen. Qoǵamdyq tamaqtaný oryndarynda kalıandardy paıdalanýǵa tyıym salynady. Jetkizý jáne shyǵarý rejıminde jumys isteıtin qoǵamdyq tamaqtaný nysandary qalypty jumys isteı bermek. Mektepterde ornalasqan ashanalardyń jáne banket zaldardyń jumysyna tyıym salynyp, sondaı-aq qoǵamdyq tamaqtaný oryndarynda túrli is-sharalardy ótkizýge tyıym salynǵan. SPA-ortalyqtary, ásemdik salondary, shashtaraz, kosmetıkalyq jáne kosmetologııalyq qyzmetter, manıkıýr jáne pedıkıýr qyzmetterin kórsetetin ortalyqtary men salondardyń (aldyn ala jazylý boıynsha bir kelýshige 4 sharshy metr saqtalýymen) jumys ýaqytyn 09:00-den 22:00-ge deıin shekteýmen qyzmet kórsetedi.
Al, jeksenbi kúni SPA ortalyqtarynyń jumysyna tıym salynǵan. Qoǵamdyq monshalar men saýnalar jumys kúnderi syıymdylyǵy 50% aspaıtyn tiártippen qyzmet kórsetse, jeksenbi kúni saýnalardyń jumysy toqtatylatyn boldy. Al, balalardyń oıyn-saýyq ortalyqtarynyń (oıyn alańdary, jabyq úı-jaılardaǵy attraktsıondar), tsırkterdiń jumysyna tyıym salynǵan.
Sondaı-aq, mádenıet nysandarynyń, teatrlardyń, kontserttik zaldardyń, tsırkterdiń (syıymdylyǵy 20% adamnan aspaıtyn, biraq 100 adamnan artyq emes, «InfoKazakhstan.kz» portalda tirkelýimen, betperde kııý rejımi, áleýmettik qashyqtyq jáne QR BMSD №67 qaýlysynyń talaptary saqtalǵan jaǵdaıda) kitaphanalardyń, murajaılardyń jumysy qalypty rejımde uıymdastyrylmaq. Dinı obektileriniń (meshitter, shirkeýler, soborlar, sınagogtar jáne taǵy basqalar) jumysy,ujymdyq Qudaıǵa qulshylyq etýsiz, onyń ishinde juma namazy, taraýıh namazy kúsheıtilgen sanıtarııalyq-dezınfektsııalyq rejımde oqylatyn boldy. Kóńil kóterý mekemeleriniń (bılıard, karaoke, kompıýterlik klýbtar, túngi klýbtar, boýlıng ortalyqtary jáne taǵy basqalar), býkmekerlik kontorlarynyń jáne oıyn klýbtarynyń, onyń ishinde onlaın rejiminde ótkiziletin lotereıa utys oıynyn júrgizýdi qospaǵanda, lotoreıa utys oıynyn júrgizýge tyıym salynǵan.
Kınoteatrlardyń jumysy (syıymdylyǵy 20% aspaıtyn, «InfoKazakhstan.kz», portalda tirkelýin, betperde kııý rejımin, áleýmettik qashyqtyq saqtaýmen,shahmattyq retpen otyrýyn jáne QR BMSD №67 qaýlysynyń talaptary saqtalǵan jaǵdaıda) saǵat 09:00-den 22:00-ge deıin ýaqytpen jumysy shektelgen. Kontıngenti 300 oqýshyǵa deıin qalalyq jáne aýyldyq mektepterde synyptardaǵy balalar sanyn 25 adamnan asyrmaı dástúrli formatta oqytýǵa ruqsat etildi.
«Jalpy bilim beretin mektepterde 1 - den 5-synyptardy qosa alǵanda, halyqaralyq mektepterde 1-den 7-synyptardy qosa alǵanda, synyptardyń jınaqtalýyn 25 adamnan asyrmaı aralas formatta oqytylady. 9, 11 (12) syndy bitirý synyptary úshin aptanyń 6 kúni ishinde aralas oqytý: pánderdiń 70% - y shtattyq rejımde, 30% - y qashyqtyqtan (synypta 25 adamnan artyq emes, áleýmettik qashyqtyqty saqtaı otyryp, 1 - synyp-1-kabınet qaǵıdaty boıynsha oqytý, bir mezgilde mektepte jobalyq qýattyń 30%-dan aspaıtyn bolýy, sanıtarııalyq-dezınfektsııalyq rejımdi jáne betperde rejımdi kúsheıtý saqtalsyn) talap etiledi. Bilim berý uıymy ákimshiliginiń sheshimi boıynsha sabaqtan tys ýaqytta 15 adamnan aspaıtyn toptarda oqýshylar jeke oqytylady» delingen qaýlyda.
Eske salsaq, 7 sáýirdegi epıdemıologııalyq jaǵdaıdy baǵalaý matrıtsasyna sáıkes Shymkent «sary» aımaqta ornalasqan.
