Shymkent-Samara tasjolynda úsh adam ajal qushty, olardyń ekeýi - balalar
ShYMKENT. QazAqparat - Ońtústik Qazaqstan oblysynda jol apatynan eki búldirshin men bir áıel ajal qushty. Qaıǵyly oqıǵa búgin Ordabasy aýdany aýmaǵynda boldy, dep habarlaıdy QazAqparat HAA tilshisi.
Shymkent-Samara tasjolynyń 80-shi shaqyrymynda «Opel vektra» kóliginiń 1994 jyly týǵan júrgizýshisi qarama-qarsy jolǵa shyǵyp ketip, «Lada» kóligimen betpe-bet soqtyǵysty. Saldarynan óz jolymen kele jatqan kóliktegi 1966 jyly týǵan áıel men 10 jastaǵy eki bala qaza tapty. Al, kólikti tizgindegen júrgizýshi men taǵy bes jolaýshy túrli dene jaraqattarymen aýrýhanaǵa jetkizildi. Olardyń arasynda 2 jasar búldirshin men 11 jasar bala bar.
Dárigerler qazirgi tańda 23 jastaǵy júrgizýshiniń halin «óte aýyr» dep baǵalaýda. Ol aýdandyq aýrýhananyń jansaqtaý bóliminde em qabyldaýda.
Tártip saqshylary osy oqıǵaǵa qatysty Qylmystyq kodekstiń 345 baby 4-bóligimen is qozǵap, anyqtaý jumystaryn júrgizýde. Birneshe saraptama taǵaıyndalyp, olardyń nátıjesi boıynsha protsessýaldyq sheshim qabyldanady.
