«Shymkent-Samara» avtojolynda eki avtobýs soqtyǵysyp qaldy, 8 adam zardap shekti
ASTANA. Naýryzdyń 31-i. QazAqparat - «Shymkent-Samara» avtojolynda jolaýshylardy tasymaldaýshy eki avtobýs soqtyǵysyp qaldy, qurbandar bar,
dep habarlady Qazaqstannyń Tótenshe jaǵdaılar mınıstrliginen.
Vedomstvo baspasóz qyzmetinen málim etkendeı, keshe, naýryzdyń 30-y kúni túste Qyzylorda oblysy Shıeli aýdanyna qarasty Sh.Qodamanov eldi mekeniniń mańaıynan ótetin kúre joldyń 312-shi shaqyrymynda jolaýshylardy tasymaldap kele jatqan «Vanhol» jáne «Setra» avtobýstary soqtyǵysqan. Jol-kólik apaty saldarynan ekinshi avtobýstyń 8 jolaýshysy zardap shekti: 30 jastaǵy áıel oqıǵa ornynda jan tásilim etse, 7 adam túrli dene jaraqattaryn aldy. Jaraqattanǵandar alǵashqy medıtsınalyq járdem kórsetilgennen keıin joldaryn jalǵastyrdy.
