Shymkent polıtsııasynyń birqatar basshysy jazaǵa tartyldy

ShYMKENT. QazAqparat – Shymkent qalalyq polıtsııasynyń birqatar basshysy tártiptik jazaǵa tartyldy. Bul týraly úshinshi megapolıske jumys saparymen barǵan elimizdiń Іshki ister mınıstriniń orynbasary Marat Qojaev aıtty, dep habarlaıdy QazAqparat tilshisi.

Qalalyq polıtsııanyń baspasóz qyzmetiniń málimetinshe, tártip saqshylarymen kezdesken Marat Qojaev polıtsııanyń jumys atqarýy men tártip jaǵdaıyna qatysty birqatar máseleni synǵa aldy.

Qalalyq PD bastyǵy Qaırat Dálbekovke «der kezinde baqylaýǵa almaǵany úshin» Іshki ister mınıstriniń buıryǵymen sógis jarııalanǵandy. PD basshylyǵyn tártiptik jaýapkershilikke tartýǵa polıtsııa qyzmetkerleri jasaǵan qylmystar men quqyq buzýshylyqtar sebep boldy. Olardyń arasynda jergilikti polıtsııa qyzmetiniń eks-bastyǵy, rota komandıri jáne patrýldik polıtsııa polkiniń eki qyzmetkeri jáne Abaı aýdandyq polıtsııa basqarmasynyń qyzmetkerleri bar. Jeke qurammen jumys isteý mindetine kiretin kadr apparatyna qatysty da qatań sharalar qabyldanatyn bolady.

«Prezıdenttiń Joldaýyn iske asyrý maqsatynda polıtsııa qatarynda dórekilikke, sybaılastyqqa jáne tamyr-tanystyqqa oryn joq. Qazirgi tańda biz ishki ister organdarynyń adal, ádil, eńbekqor jáne taza qyzmetkerlerin qoldaımyz jáne olardyń jumysy ilgerileý úshin jaǵdaı jasaımyz. Azamattardyń konstıtýtsııalyq quqyqtaryn saqtaý jáne zań ústemdigin ornatý – bizdiń basty mindetimiz», - dedi mınıstr orynbasary.