Shymkent polıtsııasy jelide taraǵan aýdıo jazbaǵa qatysty qyzmettik tekserý júrgizedi
Shymkent qalasy polıtsııa departamenti baspasóz qyzmetiniń jetekshisi Móldir Bekeeva dep kórsetilgen aýdıo jazba áleýmettik jelide úlken talqylaýǵa túsip jatyr. Onda áıel adamnyń qyzmetkerine jekip sóılep, bylapyt sózder aıtqanyn estýge bolady. Tipti jumystan bosatý jóninde másele qaraıtyndyǵyn jetkizgen daýys ıesi, ádep normalaryn saqtamaı, aýzyna kelgen aǵat sózderdi qarsha boratqan.
Búgin Shymkent qalasy polıtsııa departamentiniń bastyǵy, polıtsııa general maıory Qaırat Dálbekov bul jaǵdaı boıynsha qyzmettik tekserý júrgiziletindigin aıtty.
«Shymkent qalasy polıtsııa departamentiniń Ózindik qaýipsizdik basqarmasyna beınejazbaǵa qatysty qyzmettik tekserý júrgizýdi tapsyrdym. Qorytyndysy boıynsha naqty sheshim qabyldanatyn bolady» - delingen Qaırat Dálbekovtyń jazbasynda.