Shymkent polıtseıleri jumys ýaqytynda toı toılap ketedi - OQO prokýrory
Quqyq qorǵaý organdary basshylary men máslıhat depýtattarynyń basyn qosqan jıynda Ibrahım Imanov oblystaǵy qylmystyń basym kópshiligi Shymkent qalasynda oryn alatynyn atap ótti. «Tonaýdyń - 77, buzaqylyqtyń - 55, qoǵamdyq oryndarda qylmystyń -72, alaıaqtyqtyń-75 paıyzy Shymkent qalasynda tirkelgen. Al, jergilikti polıtsııa qyzmetkerleri kózboıaýshylyq jasap júr. Sony sezgennen keıin biz olardy tekserý sharalaryn júrgizdik. Anyqtaǵanymyz, tańerteń shyǵady, máshıneni minedi, janarmaı quıýly, pogony bar. Sóıtedi da, toı toılap ketedi. Qıt etse boldy, úlken jolǵa shyǵady. Túnde jiberseń, olar barady da, túgel quraldaryn alady. Vıdeotirkegishin óshiredi. Olardy baqylaıtyn quraldaryn óshiredi, ádis taýyp alǵan. Sodan úılerine baryp jatyp uıyqtaıdy. Ondaı mysaldar jeterlik», - dedi oblys prokýrory.
Keńeste sondaı-aq polıtsııa qyzmetkerleriniń sanyn kóbeıtkenshe, beıne baqylaý kameralaryn arttyrý qajettigi sóz boldy.
«Máselen, qyzmetkerlerdiń 70 paıyzy jumysynan aýytqyp ketedi. Al Jergilikti polıtsııa bastyǵy bolsa jumys isteýdiń ornyna ózin jarnamalaýmen aınalysady. Ol myńdaǵan adamdy kóshege (jumysqa) shyǵaryp jiberedi de, olar ne istep kelgenin bir qudaı biledi. Mine máseleniń bári osynda», - dedi I.Imanov.
Jıynda polıtseılerdi qadaǵalaýdy bosańsytyp alǵan basshylardy qyzmetinen alyp tastaý máselesi aıtyldy. Úılestirý keńesinde prokýrorlar sondaı-aq aýyldyq jerlerdegi tártip saqshylarynyń da máselesin talqyǵa saldy. Sebebi, oblys boıynsha 2 800 polıtsııa bar bolǵanymen aýyldyq jerlerde qylmystyń 80 paıyz ashylmaǵan. Sondyqtan qylmys sany órship turǵan aýdandar men aımaqtar budan bylaı áýeden baqylaýǵa alynbaq. Ol úshin kvadrakopter qoldanylady.