Shymkent polıtseıleri nárestesin qoqysqa tastaǵan áıeldi izdep jatyr
ASTANA. QazAqparat - Shymkent qalasynyń polıtseıleri jas náresteni qoqysqa tastaǵan áıeldi izdestirýde, dep habarlaıdy QazAqparat OQO ІІD-niń baspasóz qyzmetine silteme jasap.
Eske sala ketsek, 2017 jyly 20 qazanda Shymkentte qoqys polıgonynan náresteniń máıiti tabylǵandyǵy týraly habarlaǵan bolatynbyz.
Atalǵan oqıǵa negizinde QR QK-niń 100-baby «Jańa týǵan balany anasynyń óltirýi» boıynsha SDTBT-ne qylmystyq tirkeldi. Birneshe saraptamalar taǵaıyndaldy. Sotqa deıingi tergeý amaldary júrgizilýde.
Qazirgi tańda polıtseıler oqıǵanyń mán-jaıyn anyqtaýda. Kúdikti áıeldi izdestirý maqsatynda Abaı polıtsııa bóliminiń barlyq jeke quramy jumyldyrylýda.
Shymkent qalasynyń polıtseıleri azamattardan qatigez anasyn tabýǵa kómektesip, osy jóninde qandaı da bir aqparat bilip jatsa, «102» telefonyna habarlasýdy suraıdy.
