Shymkent polıtseıleri mereke qarsańynda kúsheıtilgen rejımde jumys isteýde

ShYMKENT. QazAqparat – Shymkent qalalyq polıtsııa departamentiniń qyzmetkerleri qoǵamdyq orynda jáne kóshelerde qylmysqa qarsy kúresti kúsheıtti, dep habarlaıdy QazAqparat tilshisi.

Tártip saqshylary mereke kúnderi qarsańynda túrli quqyq buzýshylyqtyń aldyn alý jáne jolyn kesý maqsatynda «Quqyqtyq tártip» jedel-aldyn alý is-sharasyn ótkizýde.

Úshinshi megapolıstiń polıtseıleri QR Prezıdenti Qasym-Jomart Toqaevtyń «Syndarly qoǵamdyq dıalog - Qazaqstannyń turaqtylyǵy men órkendeýiniń negizi» Joldaýynda aıtylǵan azamattardyń quqyqtary men qaýipsizdigin qamtamasyz etý týraly tapsyrmasyn turaqty túrde nazarǵa alyp, júıeli jumystar júrgizýde. Qoǵamdyq tártipti saqtaý baǵytynda birqatar reıd uıymdastyryp, azamattardyń erkin júrip turýyna jaǵdaı jasaýda.

Jeltoqsannyń 9-shy juldyzynan bastaý alǵan «Quqyqtyq tártip» jedel-aldyn alý is-sharasy barysynda izin sýytpaı 115 qylmys ashyldy. Onyń ishinde buryn jasalǵan 5 qylmys, tyıym salynǵan zattardy ustap júrý boıynsha 7 jaıt tirkelip otyr. Sondaı-aq, 1296 ákimshilik quqyq buzýshylyq anyqtalyp, usaq buzaqylyq jasaǵan 202 adam jazalandy. Bul qylmystar ishinde 413 - spırttik ishimdik ishý nemese qoǵamdyq orynda mas bolyp júrý, 6 - qarsy baǵytqa shyǵý, 531 - kóshi-qon zańnamasyn buzý bolyp otyr.

Budan bólek, jalǵa beriletin 268 páter tekserilip, onyń ishinde salyq organdarynda tirkeýsiz turǵyn úıdi jalǵa berýdiń 268 jaıty anyqtalǵan. Qabyldap-taratý oryndaryna - 10 adam, al ýaqytsha beıimdeý jáne ýytsyzdandyrý ortalyǵyna - 72 azamat jetkizildi.