Shymkent polıtseıleri balalar úıiniń jetkinshekterimen birge jattyǵý jasady

ShYMKENT. QazAqparat - Shymkent polıtsııasyna qarasty jyldam qımyldaıtyn arnaıy jasaq shahardaǵy №4 balalar úıiniń tárbıelenýshilerimen tańǵy jattyǵý ótkizdi. Bul jóninde óńirlik polıtsııa departamentine silteme jasap QazAqparat habarlaıdy.

Jastar jyly aıasynda Shymkent qalalyq polıtsııa departamenti jyldam qımyldaıtyn arnaıy jasaq qyzmetkerleri №4 balalar úıiniń jetkinshekterimen birge tańǵy jattyǵý jasady. Munda 4-ten 18 jasqa deıingi balalar tárbıelenedi.

«Polıtseıler balalarǵa dene shynyqtyrý jattyǵýlarynyń keshenin kórsetti. Balalar polıtsııa qyzmetkerlerimen birge otyryp-turý, eńkeıý, aıaqpen sermeý, sekirý sekildi is-qımyldardy bar yntasymen oryndady. Jattyǵýdan keıin polıtseıler jaýyngerlik kúres tásilderiniń elementterin kórsetip, balalarmen qımyl-qozǵalys oıyndaryn oınady. Balalar bos ýaqytyn paıdaly ári kóńildi ótkizdi» delingen habarlamada.

Іs-sharanyń maqsaty - balalardy salaýatty ómir saltyna baýlý jáne dene shynyqtyrý negizderin úıretý.

Aıta keteıik, polıtsııa qyzmetkerleri balalar úıine turaqty baryp turady. Sport jattyǵýdan bastalady, al tártip saqshylarymen jattyǵý - elimizdegi quqyqtyq tártip pen ult densaýlyǵynyń kepili.