Shymkent pen Úndistannyń Delı qalasynyń arasynda ushaq qatynaıtyn boldy

ASTANA. Qazaqparat - Alǵash ret Shymkent pen Úndistannyń Delı qalasynyń arasynda ushaq qatynaıtyn boldy. Bul týraly QR IIDM Azamattyq avıatsııa komıteti habarlady.

«QR IIDM Azamattyq avıatsııa komıteti halyqaralyq reıster sanyn ulǵaıtý jáne ushý geografııasyn keńeıtý jónindegi jumysty jalǵastyrýda. Osyǵan oraı alǵash ret Shymkent – Delı – Shymkent jańa áýe baǵyty ashylady. Reısterdi «Fly Arystan» áýe tasymaldaýshysy («Eır Astana» AQ kompanııalar toby) 2023 jylǵy 22 mamyrdan bastap «Airbus-320» úlgisindegi áýe kemesinde aptasyna 2 ret jıilikpen oryndaıdy» delingen habarlamada.Qazaqstan men Úndistan arasyndaǵy áýe qatynasynyń ulǵaıýy eki el arasyndaǵy saýda-ekonomıkalyq, ınvestıtsııalyq, iskerlik, týrıstik jáne mádenı yntymaqtastyqty damytýǵa yqpal etetin bolady.