Shymkent pen Túrkistanda qatty jel turady

ASTANA. QazAqparat - Qazaqstannyń eki qalasy men eki oblysynda aýa raıyna baılanysty eskertý jarııalandy, dep habarlaıdy QazAqparat «Qazgıdromet» RMK-ǵa silteme jasap.

17 aqpanda Shymkent qalasynda kúnniń ekinshi jartysynda qatty jaýyn-shashyn bolady. Ońtústik batystan jyldamdyǵy 15-20 m/s bolatyn qatty jel turady. Kúndiz jel ekpini 25 m/s deıin kúsheıedi.

Osy kúni Túrkistan qalasynda ońtústik batystan yzǵyryq jel soǵady. Jel qarqyny 15-20 m/s bolyp, kúndiz 25 m/s deıin qataıady.

17 aqpan kúni Qostanaı oblysynyń keı jerlerinde jaıaý burqasyn, tuman kútiledi.

Sondaı-aq, Mańǵystaý oblysynyń keı jerlerinde burqasyn, kóktaıǵaq bolýy yqtımal. Soltústik- batystan soǵatyn jeldiń jyldamdyǵy sekýndyna 15-20 metrge jetedi.

Aqtaý qalasynda túnde burqasyn, kóktaıǵaq kútiledi. Soltústik- batystan soǵatyn jeldiń kúshi 15-18 m/s bolýy múmkin.

Daýyldy eskertýdiń yqtımaldyǵy - 90-95%.