Shymkent pen Tashkent arasyna kún saıyn qatynaıtyn avtobýs ashyldy
ASTANA. QazAqparat - 5 qańtarda Shymkent-Tashkent halyqaralyq avtobýs baǵdary ashyldy, dep habarlaıdy QazAqparat QR IDM baspasóz qyzmetine silteme jasap.
Atalǵan baǵyt boıynsha qalaaralyq jaıly avtobýstar saǵat saıyn kúndelikti tańǵy 6-dan 20:00-ge deıin júredi. Aıaldamaı júrgen avtobýs dittegen jerge 4 saǵatta jetedi.
Avtobýs pen ondaǵy jolaýshylar jáne qol júkteri kedendik tekserý men shekaralyq baqylaýdan kezeksiz ótkiziled.
Qazaqstan jaǵynan KazNetworkBus JShS, al Ózbekstan jaǵynan ManzaraTourism JShQ tasymaldaýshylar bolyp belgilengen.
Sondaı-aq, 2018 jyly eki eldiń basqa da iri qalalary arasynda kezeń-kezeńmen turaqty avtobýs qatynasy iske qosylady dep josparlanýda.
Aıta ketý kerek, sońǵy 17 jylda Qazaqstan men Ózbekstan arasynda jolaýshylardy tasymaldaıtyn avtobýs qatynaǵan joq.
Eske salsaq, Shymkent-Tashkent baǵdary boıynsha turaqty halyqaralyq avtokólik tasymalyn jasaý ruqsaty 2017 jyldyń 26 jeltoqsanynda berildi.
