Shymkent pen Taraz arasynda jerasty joly salynady

ASTANA. QazAqparat - «Batys Eýropa - Batys Qytaı» avtomagıstraliniń Shymkent pen Taraz aralyǵyndaǵy ýchaskesinde jerasty joly salynady. Bul týraly búgin QR Prezıdenti janyndaǵy Ortalyq kommýnıkatsııalar qyzmetinde ótken brıfıngte QR Kólik jáne kommýnıkatsııa vıtse-mınıstri Mereke Pishembaev málim etti.

«Shymkent pen Taraz aralyǵyndaǵy shekarada jumystar júrgizilýde. Bul jerde biz Qazaqstandaǵy eń birinshi tonnel salýdy josparlap otyrmyz. Jumysty Iran kompanııasy júrgizýde. Jambyl oblysynda Qordaı eldi mekenin aınalyp ótetin jol ýchaskesi aıaqtalýǵa jaqyn. Ony bıyl bitiremiz», - dedi vıtse-mınıstr.

Aıta keteıik, «Batys Eýropa - Batys Qytaı» kólik dáliziniń Qazaqstan aýmaǵyndaǵy jalpy uzyndyǵy 2787 shaqyrymdy quraıdy. Jobany 2015 jyly tolyǵymen aıaqtaý josparlanǵan. Bıyl joldyń 157 shaqyrymy paıdalanýǵa berilmek. Jalpy qazirgi ýaqytta 1345 shaqyrym jolda qurylys júrgizilýde. Oǵan 35 myń adam men 4 myń qurylys tehnıkasy jumyldyrylǵan.