Shymkent pen Astana qalalarynyń iskerlik baılanysy damıdy

ShYMKENT. QazAqparat - Shymkentte búgin Astana kúnderi bastaldy. Elordanyń 20 jyldyǵyna arnalǵan is-shara aıasynda Astanadan arnaıy iskerlik delegatsııa kelip, shym shaharda júzege asyrylyp jatqan jobalarmen tanysty, dep habarlaıdy QazAqparat.

Delegatsııa músheleri sondaı-aq «Astana - Shymkent óńiraralyq baılanysy» atty bıznes-forýmǵa qatysty. Qalalyq ákimdikte ótken basqosýda astanalyq qonaqtar aımaqtyń áleýmettik-ekonomıkalyq damýy barysymen tanysty.

Forým aıasynda isker toptar men damý ınstıtýttary, memlekettik organ ókilderi kásipkerlikti qoldaýǵa arnalǵan aımaqtyq baǵdarlamalarmen tanysty.

Shahardyń ınvestıtsııalyq múmkindikteri men memlekettik-jekemenshik áriptestik jobalaryn talqylady. Smart City kontseptsııasyn, ekonomıkany tsıfrlandyrýǵa qatysty ınnovatsııalyq sheshimder men qyzmet kórsetý salasynyń damýy, bıznesti damytýdaǵy tsıfrly marketıngtiń mańyzyn sóz etti.

Kezdesý qorytyndysynda óńiraralyq áriptestikti damytýǵa baılanysty ekijaqty kelisimder jasaldy.