Shymkent: Parlament Senatynyń depýtattyǵynan úmitkerler anyqtaldy

ShYMKENT. QazAqparat - Búgin Shymkent qalasy máslıhatynyń kezekten tys 36-shy sessııasy ótti. Sessııaǵa qala ákimi Ǵ.Ábdirahymov, Shymkent qalasy saılaý komıssııasynyń tóraǵasy, músheleri, zııaly qaýym jáne buqaralyq aqparat quraldarynyń ókilderi qatysty, dep habarlaıdy qala ákimdiginiń resmı saıty.

Sessııanyń kún tártibinde eki másele qaraldy:

 1. Qazaqstan Respýblıkasy Parlamentiniń Senaty depýtattyǵyna 2014 jylǵy 1 qazanda saılanǵan depýtattardyń ókilettik merzimine kandıdat usyný týraly.

 2. Qazaqstan Respýblıkasy Parlamentiniń Senaty depýtattyǵyna 2017 jylǵy 28 maýsymda saılanǵan depýtattardyń ókilettik merzimine kandıdat usyný týraly.

Sessııanyń kún tártibindegi birinshi másele boıynsha Shymkent qalasy máslıhatynyń 29 depýtaty biraýyzdan Qazaqstan Respýblıkasy Parlamentiniń Senaty depýtattyǵyna 2014 jylǵy 1 qazanda saılanǵan depýtattardyń ókilettik merzimine buǵan deıin Shymkent qalasynyń ákimi, OQO ákiminiń birinshi orynbasary qyzmetterin atqarǵan Darhan Amangeldiuly Satybaldyny kandıdat retinde usyný týraly sheshim qabyldady.

 Sessııanyń kún tártibindegi ekinshi másele boıynsha Shymkent qalasy máslıhatynyń 29 depýtaty Qazaqstan Respýblıkasy Parlamentiniń Senaty depýtattyǵyna 2017 jylǵy 28 maýsymda saılanǵan depýtattardyń ókilettik merzimine Shymkent qalasynyń máslıhatyn 20 jyldaı basqarǵan máslıhat hatshysy Nurlan Qudııaruly Beknazarovty kandıdat retinde usyný týraly biraýyzdan sheshim qabyldady.

 Shymkent qalasynan Qazaqstan Respýblıkasy Parlamenti Senatyna saılaý 2018 jylǵy 5 qazanda ótedi.