Shymkent Ortalyq Azııanyń damýyna da jol ashatyn bolady -sıngapýrlyq tilshi

BEIJІŃ-SINGAPÝR. QazAqparat - Shymkentke respýblıkalyq mańyzy bar qala mártebesiniń berilýi shahardyń ınnovatsııalyq jáne ıntellektýaldyq sheshimder ortalyǵyna aınalýyna yqpal etedi.

Sondaı-aq ol tek Qazaqstannyń ǵana emes búkil Ortalyq Azııanyń ekonomıkalyq turǵydan damýyna septigin tıgizedi. Bul pikirdi sıngapýrlyq baspasóz klýbynyń qurmetti hatshysy Santosh Kýmar bildirdi, dep habarlaıdy «QazAqparat» HAA-niń Qytaıdaǵy tilshisi.

«Memleket basshysy Nursultan Nazarbaevtyń Shymkentke resýblıkalyq deńgeıdegi qala mártebesin berý jónindegi sheshimi mańyzdy qadam. Men Shymkentte eki ret boldym. Bul qala halqy óte qonaqjaı ári baýyrmal. Onda meıirimdi de jarqyn minezdi, túrli ıdeıalardy qoldaýǵa daıyn bilimdi azamattar turady. Óz kezeginde bul qalaǵa ınvestıtsııa tartý isin jeńildetip, shahardy ınnovatsııalyq jáne ıntellektýaldy sheshimderdiń ortalyǵyna aınaldyrýǵa yqpal etedi»,-dedi ol.

S.Kýmardyń sózinshe, Shymkent Ońtústik Qazaqstannyń damýyna jol ashatyn qaqpa ispettes. Qalanyń aýmaǵy da úlken, ınfraqurylymy da jaqsy.Onda Qazaqstanmen qatar búkil Ortalyq Azııa aımaǵynyń ekonomıkalyq damýyna yqpal etetin alatyn úlken áleýet bar.