Shymkent ortalyǵyndaǵy dámhananyń shatyry janyp ketti

ShYMKENT. QazAqparat - Shymkenttiń ortalyǵynda «Maksı Býrger» dámhanasynyń shatyry janyp ketti. Túngi ýaqytta bolǵan órt kezinde dámhanaǵa kelýshiler óz betterinshe syrtqa shyqqan, dep habarlaıdy QazAqparat tilshisi.

Qalalyq TJD baspasóz qyzmetiniń málimetinshe, órt shyqqany týraly habarlama kezekshi bólimge keshki saǵat 21:55-te túsken.

«Jalyn 150 sharshy metr aımaqty sharpyǵan. Órtti sóndirýge tótenshe jaǵdaılar salasynyń 24 qyzmetkeri men 4 birlik tehnıkasy jumyldyrylǵan. Saǵat 22.21-de órt výyzdyqtalyp, saǵat 22.45-da tolyǵymen sóndirildi. Qaıtys bolǵandar men zardap shekkender joq. Órttiń shyǵý sebebi men materıaldyq shyǵynnyń mólsheri anyqtalýda» delingen habarlamada.