Shymkent oqýshylary túlekter keshinen bas tartyp, balalar úıine kómek kórsetti
ShYMKENT. QazAqparat - Shymkenttegi №75 mekteptiń 11-synyp oqýshylary túlekter keshinen bas tartty.
Olar ózge qurdastary sekildi kóshege shyǵyp, qydyrýdyń ornyna balalar úıine qamqorlyq jasaǵandy jón kórdi. Sóıtip, Tólebı aýdanyndaǵy arnaýly áleýmettik qyzmetter kórsetý ortalyǵyna qaıyrymdylyq is-sharasyn uıymdastyrdy, dep habarlaıdy QazAqparat HAA tilshisi.
Mektep bitirýshi túlekter sońǵy qońyraý saltanatty sharasynan keıin avtobýspen birden áleýmettik mekemege bardy. Sóıtip ortalyqtaǵy jarymjan balalarǵa tegin kontserttik baǵdarlama qoıdy. Sondaı-aq ózderimen birge alyp kelgen syı-sııapattaryn tabys etti. Bul ıgi sharany bastama retinde bir oqýshynyń ata-anasy kóteripti. Usynysty túlekterdiń barlyǵy bir aýyzdan qoldaı ketken.
Aıta keteıik, qazirgi tańda №7 arnaýly áleýmettik qyzmetter kórsetý ortalyǵynda 3-18 jas aralyǵyndaǵy 150-den astam tárbıelenýshi bar. Munda elimizdiń barlyq aımaǵynan tirek-qımyl júıesi buzylǵan balalar kelip, bilim alady, em qabyldaıdy.
Jalpy, kúngeıde mundaı ıgi shara mektep túlekteri arasynda alǵash ret uıymdastyrylyp otyr. Onyń ústine, jýyrda ǵana shahar basshysy túlekterdi sońǵy qońyraýdan keıin kóshede kólikpen jarysyp júrýlerine tyıym salǵan bolatyn. 
