Shymkent Nur-Sultan jáne Almaty qalalaryna qarap boı túzep, megapolıske aınaldy - Erlan Aıtahanov
«Elbasy respýblıkalyq statýs bergen kezde, «Shymkent odan ári órkendeı túsedi. Shymkent ınvestıtsııalar, tehnologııalar jáne ıntellektýaldyq resýrstardy bizdiń elge ǵana emes, tutas Ortalyq Azııa aımaǵyna tartatyn jańa ortalyq bolady. Buǵan qajet barlyq sharttar men áleýet bar» dep atap ótken bolatyn. Rasynda, bul tarıhı sheshim klımaty jumsaq, qonaqjaı qalamyzdyń ornyqty damýyna úlken serpin berdi. Qalanyń iskerlik belsendiligi ósip, iri megapolıstermen básekege túsetin jol ashyldy», - dedi Erlan Aıtahanov.
Shym shahar basshysynyń sózinshe, búginde qala ekonoıkasyna ınvestıtsııa tartý jumystary júrgizilýde.
«Qalada 2 ındýstrııalyq aımaq jumys jasaıdy, olardyń jerleri 100% ıgerilgen. Búgingi kúnge quny 42 mlrd teńgege 67 joba iske qosylyp, 4 myńǵa jýyq adam jumyspen qamtyldy. Ashylǵaly memlekettik bıýdjetke 16 mlrd teńge kóleminde salyq tústi. Sonymen qatar, qala boıynsha sheteldik ınvestorlardyń qatysýymen 2,5 mlrd AQSh dollaryn quraıtyn 15 ınvestıtsııalyq jobalar júzege asyrylýda»,- dedi Shymkent qalasynyń ákimi.