Shymkent mýzeıinde «Egemendi eldigim - Táýelsizdik teńdigim» atty tanymdyq sabaq ótti

ShYMKENT. QazAqparat – Shymkent tarıhı-ólketaný murajaıynda Táýelsizdik merekesine oraı «Egemendi eldigim - Táýelsizdik teńdigim» atty tarıhı tanymdyq sabaq ótti, dep habarlaıdy QazAqparat tilshisi.

Patrıottyq aptalyǵy aıasynda uıymdastyrylǵan sabaqqa qaladaǵy №129 jalpy orta mektebiniń oqýshylary qatysyp, olarǵa tarıh pániniń muǵalimi Eraly Momynqulov Qegemendik alý jyldaryndaǵy erekshe oqıǵalar jaıly aıtyp berdi. Jas jetkinshekterdi qazaqtyń ejelgi tarıhymen tanystyryp, ata-babalarymyzdyń óz kezderinde qoldanǵan zattaryn kórsetti.

Qazaqstannyń Táýelsizdikke deıingi ómirinen maǵlumat berip, san ǵasyrlyq tarıhy bar qazaq eliniń tarıhı qundy jádigerlerimen tanysty. Tarıhı mańyzdylyǵy týraly aqparat aldy. Dál osy bilim oshaǵynyń mektepaldy daıarlyq toptarynyń tárbıeshileri «Táýelsizdik - tiregim» taqyrybynda ashyq tárbıe saǵattaryn ótkizdi. Onda oqýshylarǵa eldi, Otanyn súıý men Qazaqstan Respýblıkasynyń rámizderin qasterleýdiń mańyzdylyǵy túsindirildi. Sondaı-aq, týǵan jerge degen súıispenshilikterin arttyrýǵa baǵyttalǵan áńgimeler aıtyldy. Sabaq barysynda jetkinshekter elimizdiń Rámizderi men Jeltoqsan oqıǵasynyń batyrlarymen tanysyp, táýelsizdikke arnalǵan óleń shýmaqtaryn oqydy.