Shymkent munaı óńdeý zaýytynda jóndeý jumysy qashan aıaqtalady

ShYMKENT. QazAqparat - «PKOP» JShS Shymkent munaı óńdeý zaýytyna QR Energetıka vıtse-mınıstri Erlan Aqkenjenov jumys saparymen keldi, dep habarlaıdy QazAqparat.

Vedomstvo málimetinshe, sapar barysynda QR Energetıka vıtse-mınıstri munaı óńdeý zaýytynyń jumysymen tanysyp, qyzmetkerlerimen keńes ótkizdi.

Jıynda qatysýshylar jumys josparyn talqylady jáne QR Energetıka mınıstrligi tarapynan zaýyttyń turaqty jumysyn qamtamasyz etý bóliginde odan ári is-qımyl jospary boıynsha usynymdar berildi.

Qazirgi ýaqytta zaýytta benzınderdiń katalıtıkalyq rıformıng qondyrǵysynda plastınaly jylý almastyrǵyshty qosý boıynsha operatsııalar júrgizilip jatyr.

Osy operatsııany oryndaý úshin munaıdy bastapqy óńdeý, dızel otynyn jáne avıatsııalyq otyndy gıdrotazartý qondyrǵylary ystyq aınalymǵa aýystyryldy.

Mazýtty tereń óńdeý kesheni shtattyq rejımde jumys istep tur, avtobenzın men dızel otyn shyǵarýda, munaı ónimderin tıep-jóneltý ótinimge sáıkes júzege asyp jatyr.

Zaýyt basshylyǵynyń aqparatynsha, plastınaly jylý almastyrǵyshty jumysqa qosý operatsııasy 23 shildede aıaqtalady.

Sodan keıin 24 shildede qalypty tehnologııalyq rejımge shyǵarylady.