Shymkent munaı óńdeý zaýytynda tutanǵan órtten bir adam qaza tapty
ShYMKENT. QazAqparat - Shymkentte munaı óńdeý zaýytynda bolǵan órt saldarynan bir jumysshy qaza tapty. Qazir órt sóndirýshiler rezervýarlardaǵy jalyndy aýyzdyqtap jatyr, dep habarlaıdy «QazAqparat» HAA tilshisi.
Oblystyq tótenshe jaǵdaılar departamenti bergen málimetke sáıkes, órt búgin tańǵy saǵat 07.51-de bastalǵan. Tilsiz jaý «Shymkent munaı ónimderi» AQ-ǵa qarasty qoımalardyń ishindegi rezervýardan shyqqan. Onyń syıymdylyǵy 3 myń tekshe metr jáne ol AI-92 markaly benzınge toly bolǵan. Janynda 9 rezervýar tur. Onyń 5-eýi bos bolsa, qalǵan tórteýi - toly. Órt sóndirýshiler oqıǵa ornyna jetkende er adamnyń máıitin tapqan. Ol 1971 jyly týǵan Lesbaev Tórehan Álimhanuly ekeni anyqtaldy. Ol «Shymkent munaı ónimderi» AQ-da operator bolyp jumys istegen. Aldyn ala boljam boıynsha, órt shyqqan kezde ol janynda bolýy múmkin.
Oqıǵa ornynda órt sóndirý qyzmetteri men sarapshylar toby jumys isteýde. Jalyn óshirilgennen keıin, qaıta tutanýda, tolyq aýyzdyqtalǵan joq.
Aıta keteıik, qoımaǵa jaqyn mańda eldi mekender bar. Máselen, Juldyz eldi mekeni - 400 metr, Qarabastaý eldi mekeni 200 metr qashyqtyqta ornalasqan. Shymkent munaı óńdeý zaýyty olardan 700-800 metr qashyqtyqta tur. 
