Shymkent munaı óńdeý zaýytyn jańǵyrtý aıaqtalýǵa jaqyn

ShYMKENT. QazAqparat - Shymkent munaı óńdeý zaýytynda basty tehnologııalyq operatsııa - katalıttik krekıng reaktoryna shıkizat qabyldaý jumysy oryndaldy, dep habarlaıdy QazAqparat tilshisi kásiporynnyń baspasóz qyzmetine silteme jasap.

Osy arqyly zaýytty jańǵyrtý jáne qaıta qurý jobasynyń sońǵy kezeńi bastaldy.

«15 tamyzda sapasy joǵary ónim shyǵarýdy bastadyq. Amerıkanyń UOP kompanııasynyń tehnologııasy negizinde jylyna 2 mıllıon tonna shıkizat berý qýatyna ıe RFCC katalıtıkalyq krekıng qondyrǵysy ornatyldy», - deıdi kásiporyn ókilderi.

RFCC kesheni zaýytta munaıdy óńdeýdi odan ári tereńdetýge, sapasy jaǵynan K-4 jáne K-5 ekologııalyq klastaryna sáıkes keletin benzın men dızel óndirýge múmkindik beredi.

Shymkent MÓZ jańǵyrtý jobasy, jospar boıynsha, 2018 jyldyń qyrkúıeginde aıaqtalýy tıis.