Shymkent muǵalimderiniń 28 mln. teńgesin kim urlady
ASTANA. QazAqparat - Shymkent qalasy boıynsha bilim men ǵylym salasy qyzmetkerleriniń kásipodaǵy esepshotynan qyrýar qarjynyń urlanǵany anyqtaldy, dep xabarlaıdy QazAqparat tilshisi "Ońtústik Qazaqstan" gazetine silteme jasap.
"Osy kásipodaqqa múshe azamattardyń bastamasymen aýdıtorlyq tekseris júrgizilgen bolatyn. Sonyń nátıjesinde 27 mln. 677 myń 789 teńgeniń urlanǵany anyqtaldy. Bunyń bári - sala qyzmetkerleriniń jarnalary", - deıdi muǵalimderdiń quqyqtaryn qorǵaý jónindegi uıymdastyrýshy komıtetiniń basshysy Ýálıxan ıÝsýpov.
Onyń aıtýynsha, osy másele boıynsha quqyq qorǵaý organdaryna aryz berilgen bolatyn. Qylmystyq is qozǵaldy. Búginde Shymkent qalasy boıynsha bilim men ǵylym salasy qyzmetkerleri kásipodaǵynyń tóraǵasy Ǵanı Súleımen kúdikti retinde jaýapqa tartylyp otyr.
"Degenmen, bul iske QR Táýelsiz kásipodaqtar konfederatsııasynyń basshysy Larısa Harkovanyń da qatysy bar bolýy ábden múmkin", - deıdi kásipodaq músheleri. Harkova xanym bilim men ǵylym salasy qyzmetkerleriniń quqyqtaryn qorǵaýdyń ornyna ylǵı shetelde komandırovkamen júredi. Al mıllıondaǵan aqshanyń urlanǵanyna qatysty muǵalimderdiń aryz-shaǵymdaryna múldem qulaq aspaıdy. Osy másele boıynsha túsinikteme de bermeı otyr. Muǵalimder bolsa, óz quqyqtaryn qorǵaýǵa aı saıyn aýdaryp otyrǵan jarnalarynyń qaıda jumsalǵanyn bile almaı jatyr.
Osy ýaqytqa deıin Harkova jetekshilik etetin Konfederatsııa olardyń birde-bir problemasyn sheshken joq. Tipti, sanatorlyq pen kýrorttyq joldamalardy eshkim kórmedi. Osyǵan baılanysty Shymkent qalasy boıynsha bilim men ǵylym salasy qyzmetkerleriniń kásipodaǵy QR Táýelsiz kásipodaqtar konfederatsııasy quramynan shyǵýǵa sheshim qabyldady.
