Shymkent mektepterinde aqsha jınaýǵa qatań tyıym salyndy
Qaırat Nurtaıdyń aıtýynsha, oqý jylynyń aıaqtalýyna oraı, ákimdikte mektep, kolledj dırektorlarymen arnaıy məjilis ótken. Jıynǵa memlekettik qyzmet isteri men sybaılas jemqorlyqqa qarsy is-qımyl departamentiniń ókilderi qatysqan. Məjiliste oqýlyq məselesinen bastap mektepterde jóndeý jumystaryn atqarý mindetteri talqylanyp, aldaǵy emtıhan kezeńi men mektepterdegi qarjy jınaý məselesi sóz bolǵan.
«Qala əkimi Ǵabıdolla Rahmatollaulynyń tapsyrmasyna səıkes, Shymkentte úshinshi jyl qatarynan mektepterdegi aǵymdaǵy jóndeý jumystaryna bıýdjetten qarjy bólinedi. Ərıne, oqý jyly aıaqtalǵan soń, mektepter belgili bir deńgeıde jóndeýdi qajet etedi. Biriniń syrtyn syrlaý kerek bolsa, endi biriniń kafelin aýystyrý qajet. Bıyl mektepterdi aǵymdaǵy jóndeýden ótkizýge 260 mln teńge bólingen. Sondyqtan, men barlyq ata-analarǵa, muǵalimderge, mektep dırektorlaryna resmı túrde məlimdeımin: Shymkent qalasynda qandaıda bir jeleýmen bolmasyn, qosymsha qarjy jınaýǵa qatań túrde tyıym salynǵan», - deıdi qala ákiminiń orynbasary.
Sheneýnikti sózinshe, búgingi tańda basty məsele - bilim sapasyn arttyrý bolyp otyr. Sol sebepti megapolıste muǵalimderdiń biliktiligin arttyrýǵa kóńil bólýge asa mán berilgen.
«Búgin ərbir oqýshy úshin jaýapty kezeń - emtıhan tapsyrý naýqany bastalǵaly tur. Men jaýapty mamandarǵa bul kezeńdi shıelenistirmeı, qalypty jaǵdaıda ótkizýdi júktedim. Mektep bitirýshi túlektiń psıhologııalyq ahýaly oqýshynyń emtıhan tapsyrýyna kedergi keltirmeýi qajet ekendigin eskerttim. Jazǵy maýsym - bul balalardyń tynyǵýy úshin tamasha kezeń. Al biz osy ýaqytty tıimdi paıdalanyp, balalarymyzdyń jańa oqý jylynda sapaly bilim alýlaryna jaǵdaı jasaýymyz qajet», - dep jazady Qaırat Nurtaı jelidegi paraqshasynda.