Shymkent lıtseıiniń túlegi Koreıada jyl stýdenti atandy (FOTO)
ASTANA. QazAqparat - Shymkenttegi qazaq-túrik lıtseıiniń túlegi Dáýlet Batyrhan Ońtústik Koreıadaǵy Ýlsan ulttyq ǵylym jáne tehnıka ýnıversıtetiniń (UNIST) «Jyl stýdenti - 2016» ataǵyn jeńip aldy. Bul týraly jańalyqty Feısbýkte paraqshasynda Nurbol Tóleýbaev bólisti.
«Súıinshi habar!!! Shymkent qazaq-túrik lıtseıiniń túlegi Batyrhan Dáýlet Ońtústik Koreıadaǵy UNIST ýnıversıtetiniń jyl stýdenti-2016» ataǵyn jeńip aldy», dep jazdy ol quttyqtaýynda.
Atalmysh JOO saıtynda «Qazaqstandyq stýdent Dáýlet Batyrhan (Jaratylystaný ǵylymdary mektebi) jáne ganalyq stýdent Stıven Koranteng Okronıpah (Elektr-esepteý tehnıkasy mektebi) bıylǵy úzdik shet el stýdentteri atandy», delingen.
