Shymkent kóshelerin sý basty

ShYMKENT. QazAqparat- Tolassyz jaýǵan jańbyr saldarynan Shymkent kóshelerin sý basty, dep habarlaıdy QazAqparat tilshisi.

Nóser jańbyr saldarynan keı kóshelerde adamdardyń júrip-turýy qıynǵa soǵýda. Áleýmettik jelide jarııalanǵan vıdeodan kólik jáne jaıaý júrginshiler joldaryn sý basqanyn kórýge bolady.

«7 qarashada aýa raıy buzylyp, jańbyr jaýatyny aldyn ala eskertilgen bolatyn. Shymkent qalasynyń Tótenshe jaǵdaılar departamentine túsken habarlamalar boıynsha kúshter men quraldar jiberilip, jańbyr sýy basqan aýmaqtardan sýdy shyǵarý jumystary júrgizilip jatyr», -delingen Shymkent qalasy TJD taratqan aqparatta.

Al jelide jarııalanǵan vıdeoǵa turǵyndar túrli kommentarıı jazyp jatyr: «Jazda Tehas, kúzde Venetsııa»,«Qala kez kelgen aýa raıyna daıyn emes», «Irrıgatsııalyq sý arnalary durys emes», «Jańa bir kólik sý lotogyna qulap ketti».

Vıdeodan alynǵan kadr