Shymkent qalasynyń sottary qyzmettik kólikterin taksıge almastyrdy

ShYMKENT. QazAqparat - Shymkent qalasynyń sottary qyzmettik kólikterin taksıge almastyrdy. Bul bastamany sottar bıýdjettik shyǵyndardy únemdeý maqsatynda qolǵa alyp otyrǵanyn aıtady, dep habarlaıdy QazAqparat tilshisi.

Sottar 6-shy mamyrdan bastap jumys ýaqtysynda taksımen júretin boldy.

Qalalyq sottar Ákimshisiniń basshysy Nursultan Baıtilesovtyń sózinshe, mundaı jańashyldyq bıýdjettik shyǵyndardy keminde 2 esege qysqartady.

«Budan bylaı, jańa qyzmettik kólikterdi satyp alýdyń, olardy jańartýdyń, servıs pen jóndeý jumystaryna shyǵyndalýdyń, janar-jaǵarmaı satyp alýdyń, sonymen qatar shtatta kólik júrgizýshisi birlikterin qamtýdyń qajeti bolmaıdy. Taksıge aýysý arqyly, qyzmet básekelestik ortaǵa baǵyt alyp, sol arqyly shaǵyn jáne orta bıznestiń damýyna qolǵabys bolady»,- deıdi Nursultan Baıtilesov.