Shymkent qalasynyń polıtsııa qyzmetine 109 jańa avtokólik tapsyryldy

ShYMKENT. QazAqparat - Shymkent qalasynyń ákimi Erlan Aıtahanov Jańa jyl merekesi qarsańynda qalalyq polıtsııa departamentiniń qyzmetkerlerine jańa qyzmettik avtokólikterdiń kiltin tabystady. Osylaısha tártip saqshylarynyń kólik parki otandyq óndiriste qurastyrylǵan 109 jańa avtomobılmen tolyqty, dep habarlaıdy QazAqparat qala ákiminiń baspasóz qyzmetine silteme jasap.

Atalǵan qyzmettik kólikter QR Prezıdenti Qasym-Jomart Toqaevtyń Іshki ister qyzmeti jumysynyń tıimdiligin arttyrý tapsyrmasy boıynsha berilip otyr.

Polıtsııa qyzmetkerlerin Jańa jyl merekesimen quttyqtaǵan qala basshysy quqyq qorǵaý organdarynyń materıaldyq-tehnıkalyq bazasyn jaqsartý polıtseılerdiń jumysyn tıimdirek etetinin atap ótti.

Sonymen qatar Erlan Qýanyshuly polıtsııa qyzmetkerlerine mereke kúnderi kúsheıtilgen rejimde jumys istep, azamattardyń tynyshtyǵy men qaýipsizdigin qamtamasyz etýdi basa aıtty.

Barlyq avtokólikter zamanaýı arnaıy tehnıkamen, beınetirkeýishtermen jáne navıgatsııalyq júıemen jabdyqtalǵan. Bul naqty ýaqyt rejiminde ustaý toptarynyń jumysyn úılestirýge jáne ınspektorlardyń oqıǵa ornyna nemese kúzetiletin obektige kelý ýaqytyn azaıtýǵa múmkindik beredi.
Іs-shara saltanatty sherýmen aıaqtaldy.