Shymkent qalasynyń "Ordabasy" komandasy oqý-jattyǵý jıynyn ótkizý úshin Túrkııaǵa attanyp ketti,

dep habarlaıdy QazAqparat.

Syrt eldegi bul jıyn kezinde shymkenttikter Ýkraına, Reseı, Armenııa jáne Ázirbaıjan komandalarymen joldastyq kezdesý ótkizbek. Bas bapker Sh. Kenjebaev oǵan 25 oıynshyny shaqyryp otyr. Olardyń 9-y synaqta júrgen fýtbolshylar. Onyń ishinde - "aqtóbelik" Ulyqbek Asanbaev pen Aleksandr Mıtrofanov, "qaısarlyq" Jasulan Moldaqaraev pen Daýrenbek Tájimbetov («Qaısar») jáne "tarazdyq" Vıtalıı Evstıgneev, "vostoktyq" Teofık Salhı, "lokomotıvtik" Qaırat Áshirbekov, "tobyldyq" Azamat Áýbákirov, "oqjetpestik" Qýanysh Qaraqulovtar bar.

"Ordabasy" fýtbolshylary alǵashqy joldastyq kezdesýin qańtardyń 14-i kúni Ýkraınanyń Donetsk qalasynyń «Metallýrg» qurdastarymen ótkizedi. Odan keıingi eki oıynda qańtardyń 17, 21 kúnderi Reseıdiń Ekaterınbýrg qalasynyń «Ýral» jáne Krasnodar qalasynyń «Kýban» aıaq dopshylarymen saıysqa túsedi. Al 23-i kúni Armenııanyń Erevan qalasyndaǵy «Mıka» jáne 25-i Ázirbaıjannyń Baký qalasyndaǵy «Inter» klýbtarymen baq synasady.