Shymkent qalasynyń bıligi 30 mamyr kúni jurtty kóshege shyqpaýǵa shaqyrdy
ShYMKENT. QazAqparat - Shymkent qalasynyń bıligi 30 mamyr kúni jurtty múmkindiginshe kóshege shyqpaýǵa shaqyrdy. Onyń sebebi aýa raıynyń qolaısyzdyǵyna oraı qabyldanǵan sharalarǵa baılanysty, dep habarlaıdy QazAqparat HAA tilshisi.
Qala ákimdiginiń resmı saıtynda: «Shymkent turǵyndary men qala qonaqtarynyń nazaryna! Qutqarý qyzmeti 30 mamyr kúni Shymkentte nóser jańbyr men ekpini sekýndyna 25 metrge jetetin jel turýy múmkin degen eskertý taratty. Osyǵan oraı qala ákimdigi barshańyzdy múmkindiginshe kóshege shyqpaýǵa shaqyrady. Qaýipsizdik saqtaý úshin balalardy dalaǵa shyǵarmaǵandaryńyz jón. Sonymen qatar, qoǵamdyq kólikti qoldanǵandaryńyz abzal!» degen habarlandyrý jazyldy.
Aıta keteıik, dúleı jel búgin oblys ortalyǵy men birqatar aýdan turǵyndaryn biraz ábigerge túsirdi. Kósheler men aýlalarda aǵashtar qulap, kólikterdi basyp qaldy. Keı úıler men ǵımarattardyń shatyrlary ushyp ketti. Qalanyń tazalyq qyzmeti kúsheıtilgen jumys tártibine kóshirilip, tazalaýmen boldy.
