Shymkent qalasynyń Bas memlekettik sanıtarııalyq dárigeri jańa qaýlyǵa qol qoıdy
ShYMKENT. QazAqparat – Shymkent qalasynda karantın rejımi jáne koronavırýs ınfektsııasynyń taralýynyń aldyn alý jónindegi shekteý sharalary epıdemıologııalyq jaǵdaı turaqtalǵanǵa deıin uzartyldy, dep habarlaıdy QazAqparat tilshisi.
Qaýlyǵa sáıkes:
- «Ashyq» jobasyna qatysatyn nysandarda, ashyq aýada da, jabyq úı - jaılarda, onyń ishinde úıde de otbasylyq, eske alý is-sharalaryn (banketter, úılený toılary, mereıtoılar, eske alý jáne t. b.), kópshilik is-sharalardy ótkizýge jáne olarǵa qatysýǵa tyıym salyndy;
- 65 jastan asqan adamdardyń qalada júrýine shekteý qoıyldy;
- qoǵamdyq oryndarǵa (onyń ishinde qalalyq qoǵamdyq kólikte júrgende) jáne qyzmetine ruqsat etilgen obektilerge barǵan kezde, sondaı-aq, ashyq aýada ornalasqan qoǵamdyq oryndarda bolǵan kezde betperde kııý, áleýmettik qashyqtyqty saqtaý jáne antıseptıkterdi paıdalaný jónindegi talaptar qatań saqtalýy qajet.
- adamdardyń aıaldamalarda jáne qoǵamdyq kólikterde shoǵyrlanýyn boldyrmaý maqsatynda qarbalas sátte jelide kólik quraldarynyń (avtobýstardyń, shaǵyn avtobýstardyń) sany kóbeıtilsin, qalǵan ýaqytta qozǵalystyń birkelki kestesi uıymdastyrylýy qajet.
- Halyqqa qyzmet kórsetý úshin kózdelmegen úı-jaılarda jalǵyz bolǵan qyzmetkerlerdi qospaǵanda, betperdeni paıdalaný talaptary qatań saqtalýy kerek.
- Ónerkásip, kommýnaldyq, tele-radıo kommýnıkatsııalyq jáne baılanys qyzmeti, AJB beketteri, AJB beketindegi dúkender, avtobólshekter dúkenderi, qurylys (turmystyq úı-jaılarda baılanys bolmaǵan jaǵdaıda), aýyl jáne balyq sharýashylyǵy, mal sharýashylyǵy, baılanyssyz qyzmetterdiń jumysy qalypty rejımde júrgiziledi.
- Sondaı-aq, medıtsınalyq uıymdar, dárihanalar, mýzeıler, kitaphanalar, sulýlyq ortalyqtary men salondary, shashtarazdar, manıkıýr men pedıkıýr qyzmetteri, kosmetıkalyq jáne kosmetologııalyq qyzmet kórsetetin oryndar (aldyn ala jazylýmen), ashyq bazarlar (azyq-túlik, azyq-túlik emes), jármeńkelerde de qalypty rejım saqtalady. Al, jabyq bazarlar (azyq-túlik, azyq-túlik emes) «Ashyq» jobasyna qatyspaıtyn bolsa, qyzmetine tyıym salynady.
Orta bilim berý uıymdarynda - 1-4 bastaýysh synyptar (halyqaralyq mektepterdegi 1-6 synyptar) qalypty rejımde sabaqqa barsa, 600 oqýshyǵa deıingini mektepterdi qosa alǵanda qalypty rejımde jumys isteıdi. Al, 600 oqýshydan joǵary mektepter jobalyq qýatynyń 50% - nan aspaıtyn júktememen qalypty rejımde jumys isteıdi.
Joǵary oqý oryndary men kolledjderde praktıkalyq, zerthanalyq, semınarlyq sabaqtar jáne óndiristik praktıka - ıkemdi keste boıynsha qalypty rejımde, dárister onlaın ótiledi.
«Jasyl» qaýipsiz mártebe boıynsha «Ashyq» jobasyna qatysatyn obektilerde saltanatty, otbasylyq, eske alý is-sharalardy (banketter, eske alý) ótkizý, konferentsııalar, forýmdar, adamdar kóp jınalatyn oıyn-saýyq jáne ózge de is-sharalar men kórmeler, marafondar ótkizý shekteýsiz júzege asyrylady.
