Shymkent qalasynyń ákimi turǵyndardyń máselelerin tyńdady

ShYMKENT. QazAqparat – Shymkent qalasynyń ákimi Erlan Aıtahanov turǵyndardy jeke máseleleri boıynsha qabyldady, dep habarlaıdy QazAqparat tilshisi.

Qala basshysynyń qabyldaýyna kelgen azamattar jumyspen qamtý, áleýmettik járdemaqy alý sııaqty ózekti problemalaryn jetkizdi. Qabyldaý barysynda shymkenttikter ataýly áleýmettik kómek taǵaıyndaý tártibi týraly máselelerin jetkizip, baspanamen qamtý men káriz júıesi sııaqty ózderin mazalaǵan máselelerin baıandady. Sonymen qatar, kóshe ataýy, jol, gaz, jaryk problemalaryn kóterdi.

Óz kezeginde azamattardyń ótinishteri men usynystaryna jaýap bergen qala ákimi Erlan Aıtahanov turǵyn úıler memlekettik turǵyn úı qorynan tek óz kezegimen beriletinin atap ótti.

Baspanaǵa muqtaj jandardy qazirgi tańda júzege asyrylyp jatqan «Baqytty otbasy», «Nurly jer» memlekettik baǵdarlamalaryna qatysýǵa shaqyrdy. Sonymen qatar, kommýnaldyq máseleler ret-retimen sheshiletinin jetkizdi.

Jalpy, jeke qabyldaýǵa kelgen árbir turǵynnyń máselesi óziniń nazarynda bolatynyn aıtqan shahar basshysy sala jetekshilerine kóterilgen máseleler boıynsha naqty tapsyrmalar berdi.