Shymkent qalasynyń ákimi saılaýda daýys berdi

ShYMKENT. QazAqparat - Shymkent qalasynyń ákimi Ǵabıdolla Ábdirahymov saılaýda óz tańdaýyn jasady. A. Pýshkın atyndaǵy N1 mektep-gımnazııasyndaǵy 92 saılaý ýchaskesine kelip daýys bergen qala basshysy búgingi kúngi saıası oqıǵanyń mańyzdylyǵyna toqtaldy, dep habarlaıdy QazAqparat tilshisi.

«Bul saıası is-shara - elimiz úshin óte mańyzdy. Eń birinshi bolyp, áriptesterimmen birge kelip daýys berýdi uıǵardym. Bul - bolashaǵymdy tańdaý», - dedi Ǵabıdolla Ábdirahymov.

Aıta keteıik, búgin mıllıonnan asa turǵyny bar megapolıst boıynsha 260 saılaý ýchaskesi ashylyp, olarda saılaý komıssııalarynyń 2931 múshesi jumys isteýde. 568 myń 794 adam daýys berý quqyǵyna ıe bolǵan. Qala turǵyndarynyń saılaý ýchaskelerine eshbir kedergisiz jetýi úshin qoǵamdyq kólikter tegin tasymaldaýda. Al, saılaý ýchaskelerinde shetelderden jáne halyqaralyq uıymdardan kelgen baıqaýshylar kelip, baqylaýda.

«Shymkenttegi saılaý ýchaskelerinde TMD elderinen -17, Túrki qaýymdastyǵynan - 2, Shanhaı yntymaqtastyq uıymynan -1, BUU-nan - 2 uzaq merzimdi jáne 12 qysqa merzimdi, Amerıkadan -1 baıqaýshy qatysýda. Qalǵan baıqaýshylar qala turǵyndarynan quralǵan. Saılaýda daýys berý tańǵy saǵat jetiden bastaldy. Ázirge eshqandaı tártip buzýshylyq áreketter tirkelmedi» , - deıdi Shymkent qalalyq aýmaqtyq saılaý komıssııasynyń tóraǵasy Erlan Daýylbaev.