Shymkent qalasynyń ákimi Murat Áıtenov qyzmetten ketedi - feık

ShYMKENT. QazAqparat – Birqatar BAQ pen áleýmettik jelide búgin Shymkent qalasynyń ákimi aýysatyndyǵy týraly aqparat tarady. Qala ákimdiginiń baspasóz qyzmeti aqparatty joqqa shyǵardy, dep habarlady QazAqparat tilshisi.

«Búgin buqaralyq aqparat quraldary men áleýmettik jelilerde Shymkent qalasy ákiminiń aýysatyny týraly jalǵan aqparattar jarııalanyp jatyr. Shymkent qalasy ákimdiginiń baspasóz qyzmeti bul aqparattyń shyndyqqa janaspaıtynyn málimdeıdi. Sondaı-aq, qazir qala ákimi M. Áıtenovtiń laýazymdyq qyzmetinde ekenin habarlaıdy», - delingen málimdemede.

Aıta ketsek, birqatar BAQ pen áleýmettik jelide Shymkent qalasynyń ákimi Murat Áıtenovtiń búgin qyzmetten ketetindigi jaıynda aqparat tarady. Tipti, keıbir jeli qoldanýshylary úshinshi megapolıske jańadan taǵaıyndalatyn ákimniń aty-jónine deıin jazyp, birge túsken sýretterin jarııalap jatyr.