Shymkent qalasynyń ákimi aýlasyn sý basqan turǵyn úılerdi aralap shyqty
Sonyń saldarynan aýlalardy sý basyp, jertólelerge de sý toldy, dep habarlaıdy QazAqparat tilshisi.
Osy jaǵdaıdy eskergen qala ákimi Erlan Aıtahanov oqıǵa ornyn aralap shyǵyp, turǵyndarmen tildesti. Shahar basshysy atalǵan kóshede tıisti jumystar júrgiziletinin aıtyp, jaýapty sala jetekshilerine sý tasqynynyń saldaryn joıýǵa baǵyttalǵan naqty tapsyrmalar berdi. Qala basshysy sonymen qatar aldaǵy ýaqytta osy syndy jaǵdaı oryn almasy úshin atalǵan aımaqty zerdelep, buryn bolǵan tik drenajdyq júıeni qalpyna keltirý jumystaryn júrgizý keregin atap ótti. Osy salaǵa jaýapty basqarma basshylyǵy men aýdan ákimdigine jobalyq-smetalyq qujattardy daıyndaýdy mindettedi.
Aıta keteıik, Qarasý ózeniniń jaǵalaýynda ornalasqan úılerdiń ıeleri ózen arnasyna jaz mezgilinde sý deńgeıin kóterý maqsatynda, ruqsatsyz bógetter ornalastyrǵan. Nátıjesinde jaýyn-shashynnyń saldarynan jáne jerasty sýlary kóterilip, joǵaryda aıtylǵan mekenjaılardy sý basqany anyqtalǵan. Qazirgi ýaqytta oqıǵa ornyna sý sorý jumystaryna 30 shaqty qyzmetker men 6 birlik tehnıka jáne 2 motopompa jumyldyryldy.