Shymkent qalasynyń ákimdigi jurtshylyqty qatty aıazda meıirimdilik tanytýǵa shaqyrdy
ShYMKENT. QazAqparat - Shymkent qalasynyń ákimdigi jurtshylyqty qatty aıazda meıirimdilik tanytýǵa shaqyrdy. Bul týraly ákimdiktiń áleýmettik jelidegi paraqshasynda jarııalandy, dep habarlaıdy QazAqparat tilshisi.
«Qurmetti shymkenttikter! Meteorologtar 26-29 aralyǵynda úskirik aıazdyń ońtústikke qaraı oıysatynyn eskertedi. Osyǵan baılanysty qalalyq ákimdik aıazda shymkenttikterdiń bir-birine jylýlyq tanytyp, kóshede tońyp turǵan egde jastaǵy azamattar men balalardyń, jalpy qala turǵyndarynyń janynan eleýsiz ótpeıtinine senim bildiredi. Aýdan jáne qalalyq ákimdikte kommýnaldy qyzmetke qatysty máseleler boıynsha táýliktik kezekshilik uıymdastyryldy», delingen habarlamada.
Shahar basshylyǵy sondaı-aq aıazǵa daıyndyq jumystaryn bastap ketkenin atap ótti. Barlyq qyzmetterge aýa-raıynyń kúrt qıyndaıtyny jóninde habarlama taratylǵany jáne tótenshe jaǵdaı qyzmeti kúsheıtilgen jumysqa kóshkendigi málim boldy.
Esterińizge sala keteıik, sınoptıkter qańtar aıynyń 26-29 aralyǵynda ońtústik óńirde -25 gradýsqa deıin aıaz bolatynyn eskertken edi.
