Shymkent qalasyndaǵy zaýytta bolǵan TJ saldarynan jumysshy qaza tapty
ShYMKENT. QazAqparat - Shymkent qalasyndaǵy zaýytta oryn alǵan apattan adamdar zardap shekti, dep habarlaıdy «QazAqparat» HAA tilshisi.
OQO TJD baspasóz qyzmeti málimdegendeı, motor maıyn óndiretin «Hıll korporeıshn» JShS zaýytynda 20 jeltoqsan saǵat 20.00 shamasynda tarsyldaǵan daýys estilip, arty órtke oranǵan. Saldarynan 1991 jyly dúnıege kelgen quıý stansasynyń operatory sol jerde qaza tapty. 1985 jylǵy taǵy bir operator denesiniń 80%-yn kúıik shalyp, Gıperbarııalyq oksıgenatsııa ortalyǵyna jetkizildi. Sol jerge 1967 jyly týǵan KamAZ júrgizýshisi de jatqyzyldy. Arnaıy mashınalar belgilengen jerge saǵat 20.30-da jetip, 10 mınýt boıy órt sóndirgen. Apat sebebi anyqtalýda.
