Shymkent qalasynda polıtseıler asa iri kólemdegi aqsha urlyǵyn ashty
ASTANA. QazAqparat - Qazannyń 2-nen 3-ine qaraǵan túni shamamen saǵat 02.00-de Shymkent QІІB Ál-Farabı PB-niń kezekshi bólimine Eski qalashyq móltekaýdanyndaǵy dúkenderde urlyq jasalǵany týraly habarlama kelip tústi.
Oqıǵa ornyna kelgen Ál-Farabı PB-niń jedel tergeý toby belgisiz tulǵalar qurylys dúkenine kirip, 50 mıllıon teńge aqshasyn urlap ketkenin anyqtady, dep habarlaıdy QazAqparat OQO ІІD Memlekettik til jáne aqparat basqarmasyna silteme jasap.
. Atalǵan jaıt QR QK-niń 188 baby «Urlyq» boıynsha Shymkent QІІB Ál-Farabı PB SDTBT-ne tirkeldi. Osy qylmysty ashý maqsatynda polıtsııa bóliminiń tájirıbeli qyzmetkerlerinen jedel tergeý toby jasaqtaldy.
Ál-Farabı PB jedel iz kesýshileri shuǵyl izdestirý is-sharalarynyń barysynda 5 kúdikti azamattyń 3-ýin ustady. Olardyń barlyǵy da Shymkent qalasynyń 1994, 1992 jáne 1989 j.t. turǵyndary. Ustalǵandardyń biri dúkenniń jumysshysy bolyp shyqty. Aıǵaqty zat retinde 8 000 000 teńge urlanǵan aqshanyń bir bóligi men kúdiktilerdiń qylmys jasaǵan avtokóligi tárkilenip alyndy. Aqsha zańdy ıesine qaıtaryldy.
Qazirgi tańda polıtseıler oqıǵanyń oryn alý barysyn anyqtady. Kúdiktiler qamaýda. Sotqa deıingi tergeý amaldary júrgizilýde. Jedel iz kesýshiler qylmys jasaǵan qalǵan kúdiktilerdi izdestirýde. 
