Shymkent qalasynda karantındik shekteý sharalary jeńildetildi
ShYMKENT. QazAqparat – Shymkent qalasynyń aýmaǵynda koronavırýstyq ınfektsııanyń taralýyn aldyn alý boıynsha shekteý sharalaryn jeńildetý týraly Bas sanıtarııalyq dárigerdiń jańa qaýlysy shyqty, dep habarlaıdy QazAqparat tilshisi.
Qaýlyǵa sáıkes:
- Ónerkásip, kommýnaldyq tele-radıo kommýnıkatsııalyq jáne baılanys qyzmeti, qurylys, aýyl jáne balyq sharýashylyǵy, mal sharýashylyǵy, baılanyssyz qyzmetter men týrıstik kompanııalar, bıznes ortalyqtary men medıtsınalyq uıymdar, mýzeıler men kitaphanalar, azyq-túlik dúkenderi men shaǵyn marketter qalypty jaǵdaıda qyzmet kórsetedi.- Sondaı-aq sulýlyq ortalyqtary men salondary, shashtarazdar, manıkıýr men pedıkıýr qyzmetteri, kosmetıkalyq jáne kosmetologııalyq qyzmet kórsetetin oryndar (aldyn ala jazylýmen), ashyq bazarlar (azyq-túlik, azyq-túlik emes), jármeńkelerde de qalypty rejım saqtalady. Al, jabyq bazarlar (azyq-túlik, azyq-túlik emes) «Ashyq» jobasyna qatyspaıtyn bolsa, qyzmetine tyıym salynady.
- Orta bilim berý uıymdary men joǵary oqý oryndary, kolledjder, qosymsha bilim berý uıymdary, áýejaılar men temirjoldar, avtovokzaldar jáne jolaýshylarǵa qyzmet kórsetý pinkteriniń qyzmetteri qalypty rejımge ótti.
- «Jasyl» qaýipsiz mártebe boıynsha «Ashyq» jobasyna qatysatyn obektilerde saltanatty, otbasylyq, eske alý is-sharalardy (banketter, eske alý) ótkizý, konferentsııalar, forýmdar, adamdar kóp jınalatyn oıyn-saýyq jáne ózge de is-sharalar men kórmeler, marafondar ótkizý shekteýsiz júzege asyrylady. Sondaı-aq, olardyń qatarynda sport keshenderi men sporttyq saýyqtyrý ortalyqtary, oıyn klýbtary men túngi klýbtar, karaoke zaldary, saýda oryndary, bassender bar.
