Shymkent qalasynda indet juqtyrǵan tórtinshi naýqas Nur-Sultan qalasynan kelgen

​ShYMKENT.QazAqparat- Shymkent qalasynda ​ 4 sáýir kúni koronavırýs juqtyrǵan taǵy 1 jaǵdaı tirkeldi. Qaladaǵy 8-shi shaǵynaýdanda turatyn naýqas ata-anasyna Nur-Sultan qalasynan kelgeni anyqtaldy, dep habarlaıdy QazAqparat.

Qalalyq ákimdiktiń málimetinshe, 24 jastaǵy azamat oqshaýlanǵan.

«Naýqastyń jaǵdaıy qalypty. Qazirgi tańda qajetti qaýipsizdik sharalary júrgizilýde. Naýqaspen baılanysta bolǵan 21 adam anyqtalyp, olar da oqshaýlandy, olardyń altaýy jaqyn týystary», delingen habarlamada.

Aıta keteıik, búginde qalada koronavırýs indetin juqtyrǵandar sany 12 adamdy qurap otyr.